«Сантос» жароҳат сабаб майдонга туша олмаган Неймарсиз «Атлетико Минейро»ни 2:0 ҳисобида мағлуб этди.
Шунга қарамай, бразилиялик юлдуз учрашув вақтида стадионда бўлгани айтилмоқда. Шунингдек, Неймарнинг «Атлетико Минейро» мухлисларидан бирига кескин жавоб қайтаргани ҳақида маълумот тарқалди.
«Ҳатто тиззам жароҳатланган ҳолатда ҳам жамоангиздаги ҳар бир футболчидан яхшироқман!» — дея Неймарнинг сўзларини келтиради The Touchline.
Неймар ҳамон футбол тарихидаги энг қиммат трансфер соҳиби бўлиб турибди. 2017 йилда «ПСЖ» бразилиялик ҳужумчини «Барселона»дан 222 миллион евро эвазига сотиб олган эди.
34 ёшли Неймарнинг «Сантос» билан амалдаги шартномаси 2026 йил охирига қадар мўлжалланган.
