"Барселона" ҳимоячиси Жюль Кунде каталонияликлар жамоасининг асосий таркибидаги ўрнини қайта тиклаш учун жамоа машғулотларидан кейин қўшимча соатларда ишлашни бошлади.

Sport.es нашрининг хабар беришича, франциялик футболчи машғулотлар тугаганидан кейин ҳам жамоа машғулотлар жадвалида қолади ва клубнинг жисмоний тайёргарлик мураббийлари ва физиотерапевтлари билан ишлашда давом этади. Кунде шунингдек, спорт залига қўшимча вақт ажратмоқда.

Бу мавсумда футболчининг жамоадаги мавқеи ўзгарди. Испания лигаси бошида у атиги битта асосий таркибда майдонга тушди ва тўртта ўйинда 171 дақиқа ўйнади.

Кунде 2022 йилдан бери "Барселона" сафида. Унинг каталонияликлар билан амалдаги шартномаси 2030 йилгача амал қилади.