«Ливерпуль» дарвозабони Алиссон Беккер «Ноттингем Форест»га қарши Премьер-лига учрашувидан кейинги хатти-ҳаракатлари учун Англия футбол ассоциацияси (FA) томонидан 8 минг фунт стерлинг жаримага тортилди.
Учрашув 2:2 ҳисобида якунланган бўлиб, баҳс давомида Алиссон ҳакам билан баҳслашгани учун огоҳлантирилганди. Воқеага жамоанинг бир вақтнинг ўзида уч нафар футболчини алмаштириш режаси сабаб бўлган.
Тўртинчи ҳакам алмаштириш таблосини тайёрлашни кечиктиргач, «Форест» тезкор тўп ташлашдан фойдаланиб, ҳужумни давом эттирган ва Алиссон Нико Уильямсни йиқитган. Натижада «Ноттингем Форест» пенальтидан фойдаланиб, ҳисобни 2:1 кўринишига келтирган.
Учрашувдан сўнг асабийлашган Алиссон туннель ёнида турган электрон алмаштириш таблосини тепган ва унга зарар етказган. FA бразилиялик дарвозабоннинг бу ҳаракатини номуносиб хулқ-атвор деб баҳолади. Алиссон айбловни тан олган ва унга белгиланган 8 минг фунт жарима қўлланган.
