Бразилия терма жамоаси собиқ ҳимоячиси Тьяго Силва бош мураббий Карло Анчелоттининг таркибни ёшартириш сиёсати борасида фикр билдирди. У тажрибали футболчиларни ёшига қараб терма жамоадан четлатиш тўғри эмаслигини таъкидлади.
«31, 32 ёки 33 ёшдаги футболчиларни ҳисобдан чиқариб қўймаслик керак. Менинг ўзим 41 ёшимда жаҳон чемпионатига боришимга бир баҳя қолган.
Агар футболчи яхши жисмоний ҳолатда бўлса, уни терма жамоадан четлатиб бўлмайди. Бразилия терма жамоасида барчаси босқичма-босқич амалга оширилиши лозим. Барча тажрибали футболчиларни бирданига четлатиб, уларнинг ўрнига янги ўйинчиларни жалб этиш тўғри эмас. Бу жараён аста-секинлик билан кечиши керак», — деди Силва.
