"Ливерпуль" ярим ҳимоячиси Алексис Мак Аллистер клуб раҳбариятининг ўзига бўлган муносабатидан норози. Бу ҳақда инсайдер Экрем Конур ижтимоий тармоқларда хабар берди.
Манбага кўра, аргентиналик футболчи "Ливерпуль" Райан Гравенберх ва Доминик Собослаига шартномаларини узайтиришни таклиф қилгани, аммо унга бундай таклиф билан чиқмаганидан хафа.
Мак Аллистернинг "қизиллар" билан амалдаги шартномаси 2028 йилгача мўлжалланган.
27 ёшли футболчи 2023 йил ёзидан буён "Ливерпуль" шарафини ҳимоя қилиб келмоқда. Унинг трансфер қиймати 70 миллион еврога баҳоланмоқда.
Жорий мавсумда Мак Аллистер Англия Премьер-лигасида учта ўйинда майдонга тушди, аммо ҳозирча гол ёки голли узатма билан ажралиб турмади.
