«Кристал Пэлас» ярим ҳимоячиси Адам Уортон фаолиятини «Ливерпуль»да давом эттириши мумкин. Бу ҳақда TEAMtalk хабар берди.
Манбага кўра, мерсисайдликлар Уортонни диққат билан кузатиб бормоқда. Кутилишича, футболчи яқин икки трансфер ойнасидан бирида «Кристал Пэлас»ни тарк этиши мумкин.
«Ливерпуль» Уортонга анчадан бери қизиқиб келади, аммо ўтган ёзда клуб асосий эътиборни бошқа позицияларни кучайтиришга қаратган эди.
Шунингдек, ярим ҳимоячига «Ньюкасл» ҳам қизиқиш билдирмоқда.
Жорий мавсумда Адам Уортон барча мусобақалар ҳисобида тўртта ўйинда майдонга тушди, аммо ҳозирча гол ёки голли узатма билан ажралиб турмади.
Transfermarkt портали футболчининг бозор қийматини 70 миллион еврога баҳоламоқда.
