«Kristal Pelas» yarim himoyachisi Adam Uorton faoliyatini «Liverpul»da davom ettirishi mumkin. Bu haqda TEAMtalk xabar berdi.

Manbaga ko‘ra, mersisaydliklar Uortonni diqqat bilan kuzatib bormoqda. Kutilishicha, futbolchi yaqin ikki transfer oynasidan birida «Kristal Pelas»ni tark etishi mumkin.

«Liverpul» Uortonga anchadan beri qiziqib keladi, ammo o‘tgan yozda klub asosiy e’tiborni boshqa pozisiyalarni kuchaytirishga qaratgan edi.

Shuningdek, yarim himoyachiga «Nyukasl» ham qiziqish bildirmoqda.

Joriy mavsumda Adam Uorton barcha musobaqalar hisobida to‘rtta o‘yinda maydonga tushdi, ammo hozircha gol yoki golli uzatma bilan ajralib turmadi.

Transfermarkt portali futbolchining bozor qiymatini 70 million yevroga baholamoqda.