Англиянинг «Ливерпуль» клуби «Барселона»дан ижарага олинган ҳимоячи Роналд Араухо билан футболчини тўлиқ трансфер қилиш масаласида музокара ўтказишни режалаштирмоқда. Бу ҳақда Sports.kz TeamTalk нашрига таяниб хабар берди.

Клублар ўртасидаги келишув 27 ёшли уругвайлик футболчини 55 миллион евро эвазига сотиб олиш имкониятини назарда тутади. «Ливерпуль» раҳбарияти Араухонинг «Энфилд»даги фаолиятини қандай бошлаганидан мамнун, бироқ якуний қарор қабул қилишга шошилмаяпти. Футболчи билан дастлабки жиддий музокаралар 2027 йил бошига режалаштирилган.

Айни пайтда Араухонинг ўзи ҳам «Барселона»даги фаолияти якунланган деб ҳисобламайди. Агар бош мураббий Ханси Флик унга жамоада муҳим роль кафолатласа, ҳимоячи каталонияликлар клубига қайтишга тайёр. Агар бундай таклиф бўлмаса, Араухо «Барселона»ни бутунлай тарк этиш ниятида, «Ливерпуль» эса уни қўлга киритишга асосий даъвогарлардан бирига айланади.

Ўтган мавсумда уругвайлик футболчи Ла Лигада «Барселона»нинг асосий таркибида атиги 11 та учрашув ўтказган. Шундан сўнг унга фаолиятини давом эттириш вариантларини кўриб чиқишга рухсат берилган. Араухонинг каталонияликлар билан шартномаси 2031 йилгача амал қилади.