Колумбиялик ярим ҳимоячи Хамес Родригес «Атлетико Насьональ» клубига ўтиш бўйича келишувга эришди ва фаолиятини ўз ватанида давом эттиради. Бу ҳақда El Colombiano хабар берди.

Таъкидланишича, Родригес жорий мавсумда «Атлетико Насьональ» сафида тўп тепади. 35 ёшли футболчи расмий таништирилишидан олдин зарур барча расмий жараёнлардан ўтиши керак.

Хамес Родригес фаолияти давомида Мадриднинг «Реал» клуби (125 та ўйин, 37 та гол ва 42 та голли узатма), «Порту», «Бавария» ва «Монако» каби Европа клубларида тўп тепган.

Унинг сўнгги жамоаси МЛСдаги «Миннесота Юнайтед» бўлган.