Ҳужумкор ярим ҳимоячи Филиппе Коутиньо янги клуб топди. 34 ёшли футболчи фаолиятини «Сантос»да давом эттиради. Бу ҳақда инсайдер Фабрицио Романо ижтимоий тармоқларда маълум қилди. Томонлар йил охиригача мўлжалланган шартнома бўйича келишиб олди. Бразилия терма жамоасининг собиқ футболчиси «Сантос»га эркин агент сифатида қўшилади.

Филиппе Коутиньо февраль ойидан бери клубсиз эди. Ўша пайтда у «Васко да Гама»ни тарк этган. Европада бразилиялик футболчи «Интер», «Эспаньол», «Ливерпуль», «Барселона», «Бавария» ва «Астон Вилла» каби клубларда тўп тепган.

«Сантос»да Коутиньо ўзининг қадимий дўсти Неймар билан яна бир жамоада ўйнайди. Улар Бразилия ўсмирлар терма жамоасида бирга ўйнаган давридан бери таниш.