Hujumkor yarim himoyachi Filippe Koutinyo yangi klub topdi. 34 yoshli futbolchi faoliyatini «Santos»da davom ettiradi. Bu haqda insayder Fabrisio Romano ijtimoiy tarmoqlarda ma’lum qildi. Tomonlar yil oxirigacha mo‘ljallangan shartnoma bo‘yicha kelishib oldi. Braziliya terma jamoasining sobiq futbolchisi «Santos»ga erkin agent sifatida qo‘shiladi.
Filippe Koutinyo fevral oyidan beri klubsiz edi. O‘sha paytda u «Vasko da Gama»ni tark etgan. Yevropada braziliyalik futbolchi «Inter», «Espanyol», «Liverpul», «Barselona», «Bavariya» va «Aston Villa» kabi klublarda to‘p tepgan.
«Santos»da Koutinyo o‘zining qadimiy do‘sti Neymar bilan yana bir jamoada o‘ynaydi. Ular Braziliya o‘smirlar terma jamoasida birga o‘ynagan davridan beri tanish.
