Америкалик миллиардерлар Тодд Боэли ва Марк Уолтер ўзларига тегишли «Челси»даги улушларни Clearlake Capital инвестиция компаниясига сотиш бўйича музокара олиб бормоқда. Бу ҳақда Bloomberg хабар берди.

Манбага кўра, сўнгги ҳафталарда музокаралар янада фаоллашган. Боэли ва Уолтер ўз улушларини сотишдан маълум миқдорда фойда олишни режалаштирмоқда.

2022 йилда Clearlake Capital ва Боэли бошчилигидаги консорциум «Челси»ни россиялик тадбиркор Роман Абрамовичдан тахминан 2,5 миллиард фунт стерлингга сотиб олган эди.

Ҳозир Clearlake Capital клуб акцияларининг тахминан 61,5 фоизига эгалик қилади. Компания бир неча йилдан бери ўз улушини оширишга ҳаракат қилиб келмоқда, аммо аввалроқ томонлар нарх борасида келиша олмаган.

Bloomberg қайд этишича, АҚШда Уолтерга тегишли компанияларга нисбатан олиб борилаётган федерал суриштирув бизнесменни активларини қайта тузишга ва қатор битимлар, жумладан спорт клубларидаги улушлари бўйича музокараларни тезлаштиришга ундаган.

Клуб эгалари алмашганидан кейин «Челси» Конференциялар лигаси ва клублар ўртасидаги жаҳон чемпионатида ғолиб чиқди.