«Реал» бош мураббийи Жозе Моуринью Мадрид клубига нисбатан билдирилаётган танқидлар ҳақида фикр билдириб, ОАВдаги материалларни ўқимаслигини айтди.
«Мен ҳеч нарса ўқимайман — на газеталарни, на бошқа нарсани. Аммо улар жуда тиришқоқ: ҳар куни бу ерга келишимдан олдин сизлар ёзган материаллардан бутун бир «Библия»ни олиб келишади (кулади).
Ҳуштаклар жамоавий руҳни ўзгартирмайди. Албатта, бизда бирдамлик ва ўзаро тушуниш бор, бу эса бизга қўшимча устунлик беради. Биз ўз ишимизни давом эттирамиз», — дея Моуриньюнинг сўзларини Marca келтирди.
«Реал» Испания чемпионатининг дастлабки тўрт туридан кейин 9 очко жамғарган.
12 сентябрь куни Мадрид клуби ўз майдонида «Райо Вальекано»ни қабул қилади.
