Испания қироллик футбол федерацияси (RFEF) президенти Рафаэль Лоусан ва мамлакатдаги ҳудудий футбол федерациялари раҳбарлари Сеута аҳолисини қўллаб-қувватлаб, қўшма баёнот билан чиқди.

Эслатиб ўтамиз, 30 июль куни Испаниянинг ярим эксклави ҳисобланган Сеута ҳудудига Марокашдан 70 мингдан ортиқ мигрант киришга уринган. Уларнинг катта қисми шаҳарда қолган, чегарани ёриб ўтишга уринишлар чоғида ўнлаб одамлар ҳалок бўлган.

"Биз Сеута аҳолиси ва шаҳар спорт жамоатчилигига тўлиқ ҳамдардлик ва қўллаб-қувватлашимизни билдирмоқчимиз.

Футбол мамлакатни бирлаштириш борасида ўзига хос кучга эга. Шунинг учун ҳозир оғир кунларни бошдан кечираётган барча инсонларни бир овоздан қўллаб-қувватлашни истаймиз.

Сеута аҳолиси тинчлик, хавфсизлик ва муносиб шароитларда яшашга, шунингдек, футболдан тўлақонли завқ олишга ҳақли.

Қадрли Сеута аҳолиси, сиз ёлғиз эмассиз. Испания футболи тузилмаси, унинг иштиёқи ва руҳи бугун ҳам, ҳар доим ҳам ҳар бирингиз билан бирга.

Бугун Испания футболи оқ-қора рангда ва Сеута қалби ритмида уриб турибди", — дейилади федерация баёнотида.