Испания Ла Лигасининг 5-турида Виго шаҳрида «Сельта» «Малага»ни қабул қилди. Учрашув 1:1 ҳисобида якунланди.
Баҳсда фаворит саналган «Сельта» биринчи бўлимда ҳужумда кутилганидек ҳаракат қила олмади. Шунга қарамай, 41-дақиқада ҳисобни очди.
Уго Гонсалеснинг узатмасидан сўнг Ферран Жутгла рақиб дарвозасини ишғол қилди.
Мезбонлар деярли бутун ўйин давомида ҳисобда олдинда борди.
Аммо якуний ҳуштак янграшига оз қолганда «Малага» мувозанатни тиклади. Пабло Мартинеснинг голли узатмасидан кейин Адриан Ниньо зарба бериш учун қулай вазиятга чиқиб, ўз имкониятини қўлдан бой бермади.
