Жорий йилнинг 15–19 сентябрь кунлари юртимизда 17 ёшли қизлар ўртасида Марказий Осиё чемпионати — «CAFA U-17 Women’s Championship 2026» мусобақаси бўлиб ўтади.
Турнирда Ўзбекистон, Эрон, Қирғиз Республикаси ва Тожикистоннинг U-17 терма жамоалари иштирок этади. Чемпионат ёш футболчиларни ривожлантириш, уларни минтақавий ва жаҳон миқёсидаги мусобақаларга тайёрлаш, шунингдек, Марказий Осиёдаги энг яхши ёш истеъдодларни намойиш этиш имконини беради.
Маълумот учун, ушбу мусобақада Маҳлиё Сарикова бошчилигидаги Ўзбекистон U-17 қизлар терма жамоаси иштирок этади.
