Украиналик ҳужумчи Артём Степанов «Утрехт» сафида ёрқин ўйин намойиш этмоқда. Гарчи жамоанинг умумий натижалари кўнгилдагидек бўлмаса-да, 19 ёшли футболчи Нидерландия чемпионатидаги сўнгги 5 та ўйиннинг ҳар бирида биттадан гол урди.

Степанов «Эксельсиор»га қарши учрашувда ҳам рақиб дарвозасини ишғол қилди ва «Утрехт»га жорий мавсумдаги илк ғалабасини қўлга киритишга ёрдам берди.

Маълум бўлишича, Степанов 19 ёшу 34 кунлигида Эредивизияда 2001 йилдан бери кетма-кет 5 та ўйинда гол урган энг ёш футболчига айланди.

Бундан аввал бундай натижани машҳур Рафаэл ван дер Ваарт қайд этган. У 18 ёшида «Аякс» сафида кетма-кет 7 та чемпионат ўйинида гол урган эди.