Даниялик ҳужумчи Расмус Хёйлунд миллий терма жамоадаги фаолиятининг энг ёрқин лаҳзалари ҳақида гапирди.
"Германияга қарши плей-офф ўйини мен учун жуда муҳим воқеа бўлган. Балки, бу футболчилик фаолиятимдаги энг ёрқин лаҳзалардан бири эди.
Шунингдек, Финляндияга қарши ўйиндаги хет-тригимни ҳам алоҳида таъкидлайман. У, шубҳасиз, бизга мусобақанинг финал босқичига чиқишда ёрдам берган", — деди Хёйлунд.
Эслатиб ўтамиз, Хёйлунн 2022 йилдан бери Дания терма жамоаси сафида тўп тепмоқда.
Клуб миқёсида эса у Италиянинг "Наполи" жамоаси шарафини ҳимоя қилади. Якшанба куни неаполликлар "Болонья"ни минимал ҳисобда мағлуб этди.
