"Барселона" ва "Реал" футболчилари ўртасида яна бир марта келишмовчилик келиб чиқди. Каталонияликлар марказий ҳимоячиси Херард Пике "қироллик клуби"нинг ўйинини мазах қилган.
Жумладан, у "Реал"нинг "Эльче"га қарши ўйини ҳақида ўз твиттерида шундай ёзади: "Ҳозир Canal+да комедия кўряпман. Менга бундай томоша кўрсатувчиларни кузатиш ҳар доим ёқади".
Ўйиндан кейин мадридликлар ҳимоячиси Альваро Арбелоа унинг бу твитига дуч келган ва бунга кўз юмиб ўтмасликни жоиз топган: "Уч очкодан кўнглим тўлди. Яна баъзилар театрни кинога алмаштирганидан ҳам хурсандман".
Арбелоа бу сўзи билан яна ўша эски театр мавзусига ишора қилади. Аввалроқ Дани Алвес ва Серхио Бускетс ўртасида шундай воқеа содир бўлганди.
Қизиқарли томони шундаки, Арбелоанинг жавобини ретвит қилганлар сони Пикенинг твитини қайта чоп этганларникидан кўра кўпроқ: 45мингга 43 минг.













