Дарвозабон Эдуар Менди Сенегал терма жамоасидаги фаолиятини якунлаганини эълон қилди. У бу ҳақда жуда қисқа тарзда хабар бериб, ижтимоий тармоқда атиги икки сўз ёзди.
«Раҳмат, Сенегал», — деб ёзди сўнгги йилларда миллий жамоанинг энг муҳим футболчиларидан бири бўлган Менди.
Қайд этиш жоиз, Сенегал терма жамоаси сўнгги йилларда спорт натижалари борасида муваффақиятларга эришган бўлса-да, жамоа ичидаги вазият ҳар доим ҳам идеал бўлмаган.
Масалан, ўтган жаҳон чемпионати вақтида терма жамоа атрофида мусобақа мақомига мос молиявий таъминлаш бўлмагани билан боғлиқ можаролар юзага келган. Ҳатто Менди ўз тиббий суғуртаси харажатларини шахсан қоплашга мажбур бўлган.
