«Штутгарт» ҳужумчиси Эрмедин Демирович фаолиятини Германия Бундеслигасидан Италия А Сериясига кўчириши мумкин. Бу ҳақда инсайдер Экрем Конур хабар берди.
Манба маълумотига кўра, 28 ёшли босниялик форвардни «Милан» ўз сафига қўшиб олмоқчи. «Россонери» Демировични январь ойидаги трансферлар ойнасида харид қилишни режалаштирмоқда.
«Штутгарт» эса ҳужумчининг трансферидан камида 35 миллион евро ишлаб олишни истамоқда.
Жорий мавсум Германия чемпионатида Демирович 3 та учрашувда майдонга тушиб, 1 та гол урди.
Футболчининг «Штутгарт» билан амалдаги шартномаси 2028 йил июнь ойи охирига қадар мўлжалланган. Transfermarkt портали унинг бозор қийматини 22 миллион еврога баҳоламоқда.
