«Ал-Ҳилол» клуби «Ат-Таавун» мухлислари устидан Саудия Арабистони футбол федерациясига расмий шикоят билан мурожаат қилди.
Миллий чемпионат 7-туридан ўрин олган «Ат-Таавун» — «Ал-Ҳилол» учрашувида, меҳмонлар 6:0 ҳисобида ғалаба қозонган баҳс давомида, мезбон жамоанинг айрим мухлислари «Ал-Ҳилол» ярим ҳимоячиси Рубен Невешни провокация қилиш мақсадида Диогу Жотанинг исмини ҳайқиришган.
Невеш ва Жота яқин дўст бўлган. Улар «Порту», «Вулверхэмптон» ҳамда Португалия терма жамоасида бирга тўп суришган.
Диогу Жота 2025 йил 3 июль куни Испанияда содир бўлган автомобиль ҳалокатида укаси Андре Силва билан бирга вафот этган.
