«Манчестер Юнайтед» «Лестер»нинг ёш ярим ҳимоячиси Луис Пейжни трансфер қилиш учун жиддий рақобатга дуч келиши мумкин. TEAMtalk хабарларига кўра, «Боруссия Дортмунд» вакиллари 18 ёшли футболчини «Стокпорт Каунти»га қарши учрашувда кузатган.

Пейж «Лестер»нинг 4:3 ҳисобидаги ғалабасига икки голли узатма билан ҳисса қўшиб, скаутларда яхши таассурот қолдирган.

Унга «Манчестер Юнайтед»дан ташқари «Манчестер Сити», «Ливерпуль», «Эвертон», «Ньюкасл» ва «Сандерленд» ҳам қизиқиш билдирмоқда, «Арсенал», «Челси» ва «Тоттенхэм» ҳам футболчини кузатаётгани айтилган.

«Манчестер Юнайтед» ёздаёқ Пейжни ўз сафига қўшишга уринган. Бироқ «Боруссия Дортмунд»нинг ёш иқтидорларни ривожлантиришдаги тажрибаси инглиз клуби учун жиддий рақобат бўлиши мумкин.