«Барселона» ҳужумчиси Габриэл Жезус жамоа бош мураббийи Ханси Фликни ўзи аввал ишлаган Пеп Гвардиола ва Микель Артета билан солиштирди.

— «Барселона»га ўтишингиздан олдин Ханси Флик билан гаплашганмидингиз?

— Йўқ. Фақат бу ерга келганимдан кейин мулоқот қилдик. Чунки унгача менинг ҳам ўйинларим ва ўз ташвишларим бор эди.

— У сизга нималар деди? Сиздан нимани кутмоқда?

— Менинг сўнгги даврдаги ҳолатимни биласиз. Қарийб бир ярим йил олдин тиззамдаги хочсимон боғламни узиб олгандим ва тикланиш жараёни осон кечмади. Тахминан ўн ой аввал майдонга қайтдим. Ҳозир ўзимни яхши ҳис қилаяпман, тиззам энди безовта қилмаяпти.

Бироқ менга ўйин ритмини тиклаш, жамоага, унинг ўйин тизимига ва бошқа жиҳатларга мослашиш учун вақт керак. Энди берилган имкониятдан фойдаланишим ва жамоадошларим билан янада яқинлашишим лозим. Уларнинг айримларини аввалдан танийман.

Мен сўнгги ўн йил давомида «Барселона»ни кузатиб келганман. Улар жуда кучли жамоалар тузган ва менга ёқадиган футболни намойиш этган. Шунинг учун жамоанинг ўйин моделини маълум даражада тушунаман, деб ўйлайман.

— Сиз Пеп Гвардиола ва Микель Артета билан ишлагансиз. Флик уларга ўхшайдими?

— Йўқ. Ҳар бирининг ўз кучли томонлари, футболга бўлган қараши ва стратегияси бор. Аммо учовини бир нарса бирлаштиради — улар жуда талабчан. Улар ғалаба қозонишни, яна ғалаба қозонишни ва доимо ғалаба қозонишни исташади, — деди Жезус.