Ўзбекистон Кубоги 1/8 финал босқичидан ўрин олган навбатдаги учрашувлар бўлиб ўтди.

Бугунги баҳслардан сўнг яна икки жамоа мусобақанинг чорак финал босқичига йўл олди.

"Локомотив" Тошкент дербисида "Бунёдкор" меҳмони бўлиб, Жасур Яхшибоевнинг 30-дақиқада пенальтидан киритган ягона голи эвазига 1:0 ҳисобида ғалаба қозонди.

"Андижон" эса "Олимпик-MobiUz"га қарши баҳсда қийин ғалабага эришди. Учрашув асосий ва қўшимча вақтлардан сўнг 2:2 ҳисобида якунланди. Пенальтилар сериясида эса андижонликлар аниқроқ ҳаракат қилиб, 5:4 ҳисобида устун келди.

Шу тариқа, Ўзбекистон Кубоги 1/8 финал босқичида ҳозирга қадар қуйидаги жамоалар чорак финалга йўл олди:

"Гулистон"
"Нефтчи"
"Сўғдиёна"
"Навбаҳор"
"Локомотив"
"Андижон"

Қолган икки чорак финал йўлланмаси учун ОКМК — "Хоразм" ҳамда "Ғазалкент" — "Қўқон-1912" жуфтликлари баҳс олиб боради.