"Ланс" Дино Топпмёллер билан шартнома томонларнинг ўзаро келишувига кўра бекор қилинганини расман эълон қилди.
"Жамоа ҳаёти, иш жараёни ва мураббийлар штаби фаолиятини ташкил этиш масалалари бўйича ўтказилган кўплаб муҳокамалардан сўнг клуб бош мураббийга штабни қайта ташкил этиш нияти ҳақида маълум қилди.
Дино Топпмёллер ушбу таркибий ўзгаришларни қўллаб-қувватлай олмагани сабаб, клуб масъулият билан ёндашган ҳолда у ва унинг икки нафар ёрдамчиси билан ҳамкорликни тўхтатишга қарор қилди", — дейилади клуб баёнотида.
Қайд этилишича, германиялик мутахассис шартномада кўзда тутилган товон тўловларининг салмоқли қисмидан ихтиёрий равишда воз кечган.
45 ёшли Топпмёллер бошчилигида "Ланс" Франция чемпионатида 4 та учрашув ўтказиб, 4 очко жамғарди.
Шунингдек, жамоа Чемпионлар лигасида "Славия"ни мағлуб этган, Франция Суперкубоги учун баҳсда эса "ПСЖ" устидан ғалаба қозонган.
