Европа лигаси умумий босқичининг 1-туридан ўрин олган "Бешиктош" — "Марсель" учрашуви француз клуби мухлисларисиз ўтади. Бу ҳақда L'Equipe хабар берди.
УЕФА Истанбулдаги стадионда меҳмонлар секторини ёпишга қарор қилган.
Бу жазо "Марсель"нинг жорий йил январь ойида Чемпионлар лигасида "Брюгге"га 0:3 ҳисобида мағлуб бўлган учрашувидан кейин қўлланган санкция билан боғлиқ. Ўша баҳсда француз клуби мухлислари пиротехника воситаларидан фойдаланган.
Шу сабаб "Марсель" тарафдорлари "Бешиктош"га қарши Европа лигаси учрашувини стадиондан томоша қила олмайди.
"Бешиктош" — "Марсель" баҳси 17 сентябрь куни бўлиб ўтади. Учрашув Тошкент вақти билан 18 сентябрга ўтар кечаси соат 00:00 да бошланади.
