«Бетис»нинг марокашлик футболчиси Абде Эззалзули клубнинг Сеута билан бирдамлик билдириш акциясида иштирок этганидан сўнг ижтимоий тармоқларда кескин танқид ва таҳдидларга дуч келди.
derbyderbyderby.it хабарига кўра, футболчига Марокашдан кўплаб ҳақоратли хабарлар юборилган. Айрим фойдаланувчилар уни «хиёнаткор» деб атаган, ҳатто ўлим билан таҳдид қилганлар ҳам бўлган.
«Сеута ва Мелилья — Марокашники. Тарихни футболка билан ўчириб бўлмайди», — деган мазмундаги хабарлар ҳам футболчига юборилган.
«Барселона»нинг собиқ футболчиси билан боғлиқ бу ҳолат футбол ва сиёсий масалалар ўртасидаги чегара баъзан қанчалик нозик бўлишини яна бир бор кўрсатди.
