«Betis»ning marokashlik futbolchisi Abde Ezzalzuli klubning Seuta bilan birdamlik bildirish aksiyasida ishtirok etganidan so‘ng ijtimoiy tarmoqlarda keskin tanqid va tahdidlarga duch keldi.
derbyderbyderby.it xabariga ko‘ra, futbolchiga Marokashdan ko‘plab haqoratli xabarlar yuborilgan. Ayrim foydalanuvchilar uni «xiyonatkor» deb atagan, hatto o‘lim bilan tahdid qilganlar ham bo‘lgan.
«Seuta va Melilya — Marokashniki. Tarixni futbolka bilan o‘chirib bo‘lmaydi», — degan mazmundagi xabarlar ham futbolchiga yuborilgan.
«Barselona»ning sobiq futbolchisi bilan bog‘liq bu holat futbol va siyosiy masalalar o‘rtasidagi chegara ba’zan qanchalik nozik bo‘lishini yana bir bor ko‘rsatdi.
