«Ливерпуль» ярим ҳимоячиси Доминик Собослаи Англия Лига кубогида «Тоттенхэм»га қарши ўйинда гол урди. Мерсисайдликлар учрашувда 3:1 ҳисобида ғалаба қозонди.
Венгриялик футболчи жарима майдони ташқарисидан аниқ зарба йўллаб, «Ливерпуль»га 2023/24 йилги мавсум олдидан қўшилганидан бери АПЛ клублари сафида барча мусобақаларда узоқ масофадан урган голлари сонини 13 тага етказди.
Opta маълумотига кўра, шу давр ичида Англия Премьер-лигаси клубларида тўп тепаётган ҳеч бир футболчи барча мусобақалар ҳисобида жарима майдони ташқарисидан Собослаидан кўпроқ гол урмаган.
Жорий мавсумда Доминик Собослаи 6 та ўйинда майдонга тушиб, 3 та гол урди.
