«Манчестер Сити» дарвозабони ва Италия терма жамоаси капитани Жанлуижи Доннарумма Миллатлар лигаси старт олишидан олдин мухлисларга мурожаат қилди. 27 ёшли дарвозабон Италиянинг 2026 йилги жаҳон чемпионатида иштирок этмаслиги сабабли ўтган ёзни «юракни вайрон қиладиган» давр деб атади.
«Миллатлар лигасидаги дастлабки ўйинларда бизга ишонч билдириб, қўллаб-қувватлайдиган барча итальянларга миннатдорчилик билдирмоқчиман, чунки биз уларга муҳтожмиз. Бизга уларнинг энергияси ва ғайрати керак. Биргаликда тарихимизни қайта ёзишимиз керак, бу жуда муҳим», деди Доннарумма.
Доннарумма, шунингдек, Роберто Манчинининг қайтиши жамоага аввалги даражасига қайтишда ёрдам беришига ишонч билдирди.
«Манчини қайтди ва ишончим комилки, у бизга ушбу ўйинлар ва бўлажак саралаш мусобақалари учун зарур бўлган истакни сингдиришга ёрдам беради. У билан Италия бўлиши керак бўлган жойга қайтади».
