Ханси Флик бошчилигидаги «Барселона» навбатдаги йирик ғалабасини қўлга киритди.

Каталонияликлар Ла Лига доирасида «Расинг»ни 7:2 ҳисобида тор-мор қилди. Бу «Барселона»нинг немис мутахассиси қўл остида камида уч гол фарқи билан қозонган 42-ғалабаси бўлди. Жамоа бунга 124 та учрашувда эришди.

Флик даврида «Барса» «Валенсия»ни тўрт марта — 7:1, 5:0, 6:0 ва 5:0 ҳисобларида йирик мағлуб этган. «Атлетик» 3:0, 4:0 ва 5:0, «Мальорка» 5:1, 3:0 ва 3:0, «Севилья» эса 5:1, 4:1 ва 5:2 ҳисобларида енгилган.

Шунингдек, каталонияликлар «Реал»ни икки марта — 4:0 ва 5:2, «Жирона»ни 4:1 ва 4:1, «Вильярреал»ни эса 5:1 ва 4:1 ҳисобларида тор-мор қилган.

«Барселона» Флик қўл остида, шунингдек, «Фейеноорд»ни 5:1, «Вальядолид»ни 7:0, «Янг Бойз»ни 5:0, «Алавес»ни 3:0, «Бавария»ни 4:1, «Црвена Звезда»ни 5:2, «Брест»ни 3:0, «Барбастро»ни 4:0, «Бетис»ни 5:1, «Реал Сосьедад»ни 4:0, «Боруссия»ни 4:0, «Олимпиакос»ни 6:1, «Овьедо»ни 3:0, «Копенгаген»ни 4:1, «Леванте»ни 3:0, «Хетафе»ни 3:0, «Осасуна»ни 3:0, «Атлетико»ни 3:0, «Ньюкасл»ни 7:2, «Эспаньол»ни 4:1, «Эльче»ни 5:0 ва «Райо Вальекано»ни 5:2 ҳисобида йирик мағлуб этган.

Ханси Флик «Барселона»ни 2024 йилдан буён бошқариб келмоқда.