«Манчестер Юнайтед» «Олд Траффорд»да икки тўп фарқи билан олдинда бориб, мағлубиятга учраш ҳолатини 50 йил ичида илк бор қайд этди.
Майкл Кэррик бошчилигидаги жамоа Англия Лига кубогининг 3-босқичида ўз майдонида «Брайтон»га 2:3 ҳисобида имкониятни бой берди.
8-дақиқада Ши Лейси манкунианликларни ҳисобда олдинга олиб чиқди. Орадан икки дақиқа ўтиб Мэйсон Маунт устунликни икки тўпга етказди.
Биринчи бўлимга қўшиб берилган дастлабки дақиқада Харалампос Костулас ҳисобдаги фарқни қисқартирди.
65-дақиқада Паскаль Гросс ҳисобни тенглаштирди. 69-дақиқада эса Максим де Кейпер «Брайтон»ни олдинга олиб чиқди ва унинг голи учрашувда ҳал қилувчи бўлди.
