«Брайтон» мухлислари «Олд Траффорд»даги учрашув давомида «Манчестер Юнайтед» устидан киноя қилди.
Манкунианликлар Англия Лига кубогининг 3-босқичида «Брайтон»га 2:3 ҳисобида имкониятни бой бериб, мусобақани тарк этди.
Иккинчи бўлим якунига яқин меҳмон жамоа мухлислари «Брайтон сингари, сизнинг шаҳрингиз ҳам кўк», дея ҳайқира бошлади. Бу ҳақда The Athletic журналисти Энди Нейлор хабар берди.
Ушбу шиор «Манчестер Юнайтед»нинг шаҳар дербисидаги асосий рақиби — анъанавий равишда ҳаворанг либосда майдонга тушадиган «Манчестер Сити»га ишора эди.
