«Милан» бош мураббийи Рубен Аморим Европа лигаси умумий босқичининг 1-турида «Бенфика»дан 0:2 ҳисобида қабул қилинган мағлубият ҳақида фикр билдирди.
Жамоа нима сабабдан доим биринчи бўлимдаги омадсиз ўйиндан сўнг вазиятни тўғрилашга ёки ҳисобни қувишга мажбур бўлаётгани ҳақида:
«Бу психологик муаммоми ёки йўқми, билмайман, аммо кетма-кет иккинчи ўйинда биринчи бўлимда ўйиндан чиқиб қоляпмиз.
Биз бундай голларни ўтказиб юборишимиз мумкин эмас, чунки голли вазиятлар яратишнинг ўзи биз учун осон кечмаяпти. Шундан кейин асабийлаша бошлаймиз, хавотир кучаяди ва ҳаммаси янада қийинлашади», — деди Аморим.
