«Манчестер Сити» техник директори Угу Виана Энцо Фернандес ҳамда жамоанинг ёздаги бошқа янги футболчилари ҳақида фикр билдирди.

«Шуни унутмаслик керакки, биз ярим ҳимояда жуда муҳим футболчиларни — Родри ва Бернарду Силва каби ўйинчиларни йўқотдик. Энцода нафақат юқори ўйин сифати, балки биз учун муҳим бўлган характер ва менталитет ҳам бор.

Мареска у билан “Челси”да ишлаган ва уни жуда яхши билади. Аммо биз ҳам Энцо ўйин вақтида жамоага нималар бера олишига тўлиқ ишонамиз.

У “Манчестер Сити”га келганига атиги уч ҳафта бўлди, аммо гўё бу ерда бир-икки йилдан бери ўйнаётгандек таассурот қолдирмоқда.

Биз айнан шу позиция учун шундай менталитетга эга футболчи қидираётган эдик. Чунки Родри ва Бернарду сўнгги ўн йилда жамоада жуда муҳим роль ўйнади.

Барчамиз Энцо, Буадди ва Андерсон ҳам келажакда Родри ва Бернарду сингари муҳим футболчиларга айланишига ишонамиз», — деди Виана клуб медиаси учун берган интервьюсида.