Италия терма жамоаси дарвозабони Жанлуижи Доннарумма ёзда бўлиб ўтган Жаҳон чемпионати учрашувларини томоша қилиш унга жуда оғир кечганини тан олди. Бунга асосий сабаб — турнирда Италия терма жамоаси иштирок этмагани бўлган.
«Биз биргаликда тарихимизни қайта ёзишимиз керак. Барча йигитлар учун Италия иштирокисиз Жаҳон чемпионатини томоша қилиш ниҳоятда оғир бўлди. Аммо биз бошимизни баланд кўтариб туришимиз керак — бошқа йўл йўқ», — дея Доннарумманинг сўзларини derbyderbyderby.it нашри келтиради.
Эслатиб ўтамиз, Италия терма жамоаси сўнгги марта Жаҳон чемпионатининг финал босқичида 2014 йилда иштирок этган. Ўшанда италияликлар мусобақада омадсиз иштирок этиб, ҳатто гуруҳ босқичидан ҳам чиқишга эриша олмаган.
