"Барселона" қанот ҳимоячиси Жоау Канселу Ла Лиганинг "Расинг"га қарши 7:2 ҳисобида якунланган учрашувида урган голига баҳо берди.
Айнан португалиялик футболчи 8-дақиқада ҳисобни очиб, йирик ғалабага старт берди. 32 ёшли Канселу жарима майдони ташқарисидан кучли ва айланма зарба йўллади, тўп тўсинга тегиб дарвоза тўридан жой олди.
"Бу бутун фаолиятимдаги энг яхши гол! Уни янада алоҳида қиладиган жиҳат — бу голни "Барселона" сафида урганим", — деди Канселу.
Жоау Канселу август ойида Саудия Арабистонининг "Ал-Ҳилол" клубидан эркин агент сифатида "Барселона"га қайтган эди.
У ўтган мавсумнинг иккинчи ярмида ҳам каталонияликлар сафида ижара асосида тўп сурган.
