Le Parisien маълумотига кўра, «ПСЖ» вингери Дезире Дуэ жамоанинг сўнгги икки учрашувини захира ўриндиғида бошлаганидан хавотирда эмас.

Франциялик ҳужумкор футболчи ҳали ҳам парижликлар учун муҳим ўйинчилардан бири бўлиб қолмоқда. Бош мураббий Луис Энрике эса жамоавий уйғунликни яхшилаш, турли комбинацияларни синаб кўриш ва футболчилар юкламасини тўғри тақсимлаш мақсадида таркибда ротация амалга оширмоқда.

Дуэ ҳам бу вазиятни ўзи учун таҳдид сифатида эмас, балки соғлом рақобат сифатида қабул қилмоқда.

Шунингдек, «ПСЖ» 21 ёшли футболчи билан шартномани узайтириш масаласида дастлабки алоқаларни бошлаган.

Дуэнинг парижликлар билан амалдаги шартномаси 2029 йил июнь ойига қадар мўлжалланган.