Le Parisien ma’lumotiga ko‘ra, «PSJ» vingeri Dezire Due jamoaning so‘nggi ikki uchrashuvini zaxira o‘rindig‘ida boshlaganidan xavotirda emas.

Fransiyalik hujumkor futbolchi hali ham parijliklar uchun muhim o‘yinchilardan biri bo‘lib qolmoqda. Bosh murabbiy Luis Enrike esa jamoaviy uyg‘unlikni yaxshilash, turli kombinasiyalarni sinab ko‘rish va futbolchilar yuklamasini to‘g‘ri taqsimlash maqsadida tarkibda rotasiya amalga oshirmoqda.

Due ham bu vaziyatni o‘zi uchun tahdid sifatida emas, balki sog‘lom raqobat sifatida qabul qilmoqda.

Shuningdek, «PSJ» 21 yoshli futbolchi bilan shartnomani uzaytirish masalasida dastlabki aloqalarni boshlagan.

Duening parijliklar bilan amaldagi shartnomasi 2029 yil iyun oyiga qadar mo‘ljallangan.