Аргентиналик ҳужумчи Мауро Икарди фаолиятини Лондоннинг «Тоттенхэм» клубида давом эттириши мумкин. Бу ҳақда Cronache di Spogliatoio хабар берди.

Манбага кўра, «шпорлар» ҳозирда эркин агент мақомида бўлган 33 ёшли аргентиналик футболчини таркибига қўшиб олиш вариантини кўриб чиқмоқда. Аввалроқ футболчига «Интер» ва «Лацио» клублари ҳам қизиқиш билдирган, аммо келишувга эришилмаган.

Икарди 2023 йилдан 2026 йилгача «Галатасарай» сафида ўйнади. У ўтган ёзда клубни эркин агент сифатида тарк этди.

Ўтган мавсумда Икарди барча турнирларда 47 та учрашувда майдонга тушиб, 16 та гол урди ва 3 та голли узатмани амалга оширди.