«Бавария»нинг фахрий президенти Ули Хёнесс бу йил «Олтин тўп»ни ким қўлга киритиши кераклиги ҳақида фикр билдирди. Унинг айтишича, мукофотнинг асосий даъвогари Харри Кейн.

«Кейн “Олтин тўп”га мутлақо муносиб. У мукофотни олади, деган умиддаман. Менимча, Мессининг яна бир “Олтин тўп”ни қўлга киритиши бемаънилик бўлар эди. Харри Кейн барча турнирларда ажойиб мавсум ўтказди. Агар у бу йил мукофотга муносиб бўлмаса, унда ким муносиб? Мбаппе? “Реал” бирорта ҳам соврин ютмади, биз эса иккита совринни қўлга киритдик», — деди Хёнесс.

Ўтган мавсумда Харри Кейн «Бавария» сафида 51 та ўйинда майдонга тушиб, 61 та гол урди ва 7 та голли узатмани амалга оширди. Унинг Мюнхен клуби билан шартномаси 2027 йил ёзига қадар амал қилади.