«Реал» ҳужумчиси Килиан Мбаппе ҳозир асосий эътиборини жамоавий муваффақиятларга қаратаётганини таъкидлади. Унинг фикрича, айнан жамоа билан эришилган натижалар индивидуал совринларни қўлга киритишга ҳам ёрдам беради.
«Индивидуал совринлар — жамоавий ғалабаларга эришиш ва мавсумнинг иккинчи ярмида бизни кутаётган кубокларни қўлга киритиш жараёнининг бир қисми.
Олти ой давомида ҳеч нарса қилмай, кейин эса барча совринларни ютишни истаймиз, деб айта олмаймиз. Футбол бундай ишламайди, ҳаммаси унчалик оддий эмас.
Шунинг учун ҳозир мураббий, клуб ва бутун тузилмамиз билан биргаликда нима қилишимиз кераклигига жуда қаттиқ эътибор қаратганмиз. Аммо, ҳар доимгидек, буларнинг барчасини майдонда исботлашимиз керак», — дея Мбаппенинг сўзларини AS нашри келтирди.
