«Ювентус» бош мураббийи Лучано Спаллетти Европа лигаси умумий босқичи 1-турида «НЕК Неймеген» устидан қозонилган ғалабага изоҳ берди.
«Менимча, «Ювентус» яхши ўйин ўтказди ва учрашувнинг илк дақиқалариданоқ вазиятни тўлиқ назорат қилди. Ўйин суръати ва руҳий жиҳатдан максимал концентрацияни сақладик ҳамда яратилган имкониятлардан фойдалана олдик.
Бугун ҳаммаси биз хоҳлагандай бўлди, чунки рақибнинг ўйин услубини жуда яхши таҳлил қилгандик. Уларнинг юқори суръати ва агрессив ўйинини ўз фойдамизга буришга ҳамда ҳужум учун бўш ҳудудларни топишга муваффақ бўлдик.
Ҳар доим воқеалар қандай ривожланишини олдиндан кўра билиш, рақибдан бир қадам олдинда ҳаракат қилиш ва кейин ўз режаларингни сифатли амалга ошириш керак», — дея Спаллеттининг сўзларини УЕФА расмий сайти келтирди.
