Бразилия президенти Лула миллий терма жамоанинг италиялик бош мураббийи Карло Анчелоттидан мамлакат ички чемпионатида тўп сураётган футболчиларга кўпроқ ишонч билдиришни сўради.
«Унинг ўрнида бўлганимда, Бразилия чемпионатининг энг яхши 22 нафар футболчисини танлаб, терма жамоага чақирган бўлардим. Ҳозир эса асосан хорижда ўйнайдиган футболчилар чақирилмоқда — ҳатто улар иккинчи дивизион клубларида тўп сураётган бўлса ҳам.
Европада захира ўриндиғида ўтирадиган футболчилар бор, аммо шунга қарамай, улар миллий терма жамоа таркибига чақирилмоқда», — дея Луланинг сўзларини derbyderbyderby.it келтирди.
Эслатиб ўтамиз, Бразилия терма жамоаси ёзда ўтказилган жаҳон чемпионатида муваффақиятли иштирок эта олмади ва мусобақани 1/8 финал босқичида тарк этди.
