"Атлетико"нинг собиқ машҳур ҳимоячиси Диего Годин Мадриднинг "Реал" клуби футболчиларидан қайси бири "матрасчилар" сафига жуда мос тушишини айтди.
Уругвайлик собиқ футболчи ватандоши, "Реал"нинг амалдаги сардори Федерико Вальвердени алоҳида эътироф этди.
"Реал" футболчиларидан қайси бирини "Атлетико"да кўришни истардим? Феде Вальвердени. Унда "Атлетико" ДНКси деб ҳисобланадиган кўплаб жиҳатлар бор", — деди Годин DAZN нашрига берган интервьюсида.
20 сентябрь, якшанба куни Мадрид дербиси бўлиб ўтади. Диего Симеоне жамоаси мезбонлик қиладиган учрашув Тошкент вақти билан соат 19:15 да бошланади.
Олти турдан кейин "Реал" 15 очко билан Ла Лига турнир жадвалида иккинчи ўринни эгаллаб турибди. "Атлетико" эса 13 очко билан тўртинчи ўринда бормоқда.
