"Барселона" ярим ҳимоячиси Фермин Лопес футбол майдонидан ташқаридаги келажак мақсадлари ҳақида гапирди.
"Футболдан ташқари ҳаёт ҳақида гапирадиган бўлсам, келажакда оила қуришни ва барча яқинларим соғ-саломат бўлишини истайман. Шунингдек, ўз уйимни қуриб, уни тўлиқ жиҳозлашни ҳам хоҳлайман.
Булар — ўз олдимга қўйган мақсадларим. Аммо ҳозирча уларга эришишга анча вақт бор", — дея 23 ёшли испаниялик футболчининг сўзларини GQ келтирди.
Фермин Лопеснинг "Барселона" билан шартномаси 2031 йил июнь ойи охирига қадар амал қилади.
Transfermarkt портали мутахассислари ярим ҳимоячининг бозор қийматини 100 миллион еврога баҳоламоқда.
