«Борнмут» вингери Райан «Ливерпуль»нинг қизиқиш доирасига тушди. Бу ҳақда ESPN Brasil хабар берди.

Манба маълумотига кўра, агар мерсисайдликлар 20 ёшли бразилиялик футболчини сотиб олишни истаса, тахминан 150 миллион евро тўлашига тўғри келади.

Гап шундаки, футболчининг шартномасида айнан шу миқдорда товон пули белгиланган. «Борнмут» раҳбарияти эса музокараларда ён бериш ёки нархни пасайтириш ниятида эмас.

Райан жорий мавсум барча мусобақалар доирасида 6 та учрашувда майдонга тушиб, 2 та гол урди.

Ҳужумчининг «Борнмут» билан амалдаги шартномаси 2031 йил ўрталарига қадар мўлжалланган.