Яқинда Франция терма жамоасининг бош мураббийи этиб тайинланган Зинедин Зидан танлаган таркиби маълум бўлди. Журналистлар билан суҳбатда мутахассис сардорлик боғичи тақдири ҳақидаги саволга ҳам жавоб берди.

Зиданнинг сўзларига кўра, сардорлик боғичи Мадриднинг «Реал» клуби ҳужумчиси Килиан Мбаппеда қолади.

«Ҳа, у менинг футболчим. У менинг сардорим бўлади. Бу борада ҳеч қандай иккиланиш йўқ», — дея Зиданнинг сўзларини келтирмоқда RMC Sport.

Мбаппе Франция терма жамоаси сафида 106 та ўйин ўтказиб, 66 та гол урган ва 44 та голли узатмани амалга оширган. 27 ёшли ҳужумчи миллий жамоа билан Жаҳон чемпионати ва УЕФА Миллатлар лигасида ғолиб чиққан.