«Унион» бош мураббийи Мауро Люстринелли Германия чемпионатининг 4-турида «Бавария»дан учралган 0:7 ҳисобидаги мағлубиятга изоҳ берди.
«Бавария» жамоа сифатида ақлбовар қилмас сифатларга эга. Улар жуда кўп ҳаракат қилади ва жуда яхши футбол ўйнайди. Биринчи бўлимда биз уларга деярли бўш ҳудуд қолдирмадик, аммо шунга қарамай, улар узоқ масофадан иккита ажойиб гол урди ва пенальтини ҳам аниқ амалга оширди.
Танаффусдан сўнг дарҳол гол уриш учун имкониятга эга бўлдик, аммо ундан фойдалана олмадик. Кейин эса жуда кўп индивидуал хатоларга йўл қўйдик ва бунинг учун жазоландик», — дея Люстринеллининг сўзларини Мюнхен клуби расмий сайти келтирди.
